شعر عامي - ياللي مني وأنا منك - شامل.كوم

موقع شامل المتميز

    مواقع التواصل الاجتماعي

شعر عامي - ياللي مني وأنا منك

***************
ياللي مني وأنا منك 
أرجوكي عني ماتبعديش
من غيرك إزاي أعيش
وإن لاموني يوم عليكي
لومهم مايهمنيش
دا إنت ساكنه جوه مني
وغيرك إنت في الكون ماليش
يرضيكي أعيش وحداني
أصارع غربتي وقسوه زماني
أرجوكي ماتسيبينيش
وعني تاني ماتبعديش
إيدي أهي ممدوده ليكي
قربي مني ماترفضيش
ياللي بيكي إنت وحدك
أتحدي العالم كأني جيش
بس إرجعي وسامحيني 
ومني تاني ماتزعليش
وع إللي فات ماتندميش
إنسي ماتعتبيش 
إنسي ماتحسبينيش
غصب عني قسيت عليكي
كنت لسه مافهمتكيش
كنت تايه من نفسي معرفتكيش
والنهارده أديني جي 
علشان أقولك محتاجك
أرجوكي ماترفضيش
ومني ياحبيبتي ماتخافيش
دا أنا من غيرك مافيش
وقلبي بعيد عنك رافض يعيش
ماتقوليش ظُلمَك فاق 
لإني مارفضتهوش
ياللي مني وأنا منك 
فاضل إيه معملتهوش

صفاء عبد ربه

ليست هناك تعليقات