شعر ساخر - فى سوق الجمعه - شامل.كوم

موقع شامل المتميز

    مواقع التواصل الاجتماعي

شعر ساخر - فى سوق الجمعه



قصيدة نثرية 
بقلم 
=== الشاعر \ راسم محمد 
================
فى سوق الجمعه 
=============
عارفينه طبعا سوق الجمعه 
ايوا هو التونسى دا الى بالقلعه 
لقيت فيه دنيا يا خلق غير الدنيا 
لقيت هناك قطط وكلاب واسعارها 
اغلى من تمن انسان يا ناس ولعه 
لقيت بوكسر وملهوش ديل يدوب شهرين 
ولا لقتله يا خلق ودان 
سالت بكام قالو بالفين
لقيت اللى ببيع سحلية وحربايه مع تعبان 
لقيت حاوى عليه اتلم كل الكون 
وقال سقفه مين يلا هيربطنى من الجدعان 
بسرعة جريت وسلسلت ادين مجوز مع الرجلين 
وفابلنى يا عمنا لو حد غيرى عرف يفكه م الوقفين 
لقيت هيصة واحواض سمك للغاوى بمليون لون 
اشى انجل على مور مع فانتيل على سوليتير
ما طولش عليكم ههههههههههه فولوا طول 
وضحكنا يا راسم الكلمات وشد بكلامك الودان 
هارد واقول لو احكيلكم عايز شهرين
فابلت من البشر اشكال على الوان 
فيه الشارى وفيه البياع 
فيه الضايع ملوش عنوان 
وفيه اللى للقمة عيش 
هناك بايت على برضه 
وطوبه عملها ليه مخده 
وغطاه م البرد حتة خيش
بيسعى ورزقه ع الرحمن 
عليك يصعب تيجى تطبطب 
يرودوا عليك يا عم اسحب 
دا عنده فى البنوك ملايين 
وفيه برده كمان صايع 
داير ياخد يا ناس فرده 
سئيل وسحنته برده 
وهويتة يناكف الغلبان
هناك برضه وشوش سمحه 
بلحية بيضه بتزينه كمان تقوى
وبايده ماسك كمان سبحه
وراه سامعو وانا ماشى 
بسبح يذكر الرحمن 
يدوب غفلت يا ناس عينى 
لقيته بشبشبوا النسوان 
وخضرى بنادى على قوطه 
يا مجنونه حلفت بعد ما ابيعك 
ما تتكرر واجيب منك خلاص تانى
هجيب بكره انا كوسه مع بتنجان
وفماش شايل على ضهره تقيل لاحمال
بنادى معايا انا ملايات وفرش سرير 
ومعايا بفتا مع دمور وفوطا و شال 
معايا ستاير الزينه يا ست الكل يلا يا خال 
تعبت يا خلق م الشيله ومعايا عيال 
لقيت برضه هناك لص بيتسحب 
عامل واد كول وسوق الجمعه ليه ملعب 
بطرف رجله لفريسته يا ناس يضرب 
وايده فى ثانيه تكون بالجيب 
فى لحظة فص ملح وداب 
يقلب عمنا ويهرب 
تلاقى صحبنا بيصوت عليك يصعب 
وناس شايفه ما تتكلم ولا تغضب 
حاجات لقتها انا بالسوق 
ومنها يا خلق مستغرب 
لقيت سائل بيتسول 
وعلى كتفه شايل عيل 
وف ايده ورق بقول تحاليل 
وعلى الخلق بيتحايل وبيذلل 
لقيت جزار بيبيع لحمه 
وخلق وهيصة مع زحمه 
سالت بكام قالو بتلاتين 
وبتوصا وعنده ميزان وكمان ذمه 
لقيت واحد كدا بيميل على صاحبه 
مش دا برده سمير هوهو مفيش فايده 
اللى عندنا قفشوه بدكانته على القمه 
ضحكت يا خلق انا ووقعت م الكلمه 
لقيت الكل عليا اتلم بمساله 
ما تضحكنا معاك يا عم قول يلا 
قولتلهم اسالوا الاخوه 
ويا ريتنى ما قلت دى الكلمه 
اول ما سمعوا للاخوه سابو هو هو 
وضربوا الاخوه ميت جزمه 
وانا مروح لقيت العم متسول 
قاعد ياكل كدا بمطعم 
ومش قادر انا اتخيل 
طبق فته وفرخه وسلطه ومخلل 
بقيت ماشى كما المجنون 
اضحك و اسقف واهلل
وكل ده بسوق الجمعه
بقلم 
=== الشاعر \راسم محمد

ليست هناك تعليقات