شعر عامي عن مصر - مش خسارة - شامل.كوم

موقع شامل المتميز

    مواقع التواصل الاجتماعي

شعر عامي عن مصر - مش خسارة

مش خسارة 
...........
مش خسارة يابلدي
يقع كل يوم شهيد

والله ماخسارة فيكي
بس نبدأ من جديد

ونقضي بقوة عالارهاب
ونكون حائط صد عنيد

هنفضل ندافع عنك
حتى لو مات الوليد

مش هنسلم للارهاب 
ابنك يا بلدي عنيد

راجل من ضهر راجل 
ما يخافش م التهديد

شارب من نيلك بكفاية 
ومشرب عدوك الصديد

مش خسارة يا ارض الكنانة
دمنا يسيل من جديد

المهم راسك مرفوعة 
فداكي مليون شهيد

يا امي يا اغلى الغوالي
حقك علينا كل يوم بيزيد

ووعد منا هنحافظ 
على عهدك المجيد

وعلمك يفضل يرفرف 
هو دا املنا الوحيد

مش خسارة نبقى شمعة
تتحرق عشان نورك يقيد

حبك بيدينا الامل
وبيه هنبدأ من جديد 
........

محمود الشيخ

ليست هناك تعليقات