شعر عن الفراق بالعامية - شامل.كوم

موقع شامل المتميز

    مواقع التواصل الاجتماعي

شعر عن الفراق بالعامية

ضمتينى للفراق ونهيتى بسرعة الوداع
لو الفراق عزبك مش انا الى راح و باع
بصيتى لى نظرة اخيرة
عيونك كانت مليانة حيرة
شفت فيها الف خوف
شفتك فيها اسيرة
مردتيش على السؤال
لية حبنا يدوم محال
لية مكتوبة النهاية
بالفراق والترحال
مش فاهم اية غصب عنك
كنت فاكر انى منك
جزء اصيل من حياتك
نبض سارى جوة قلبك
بعتى لى وهم انا اشتريت
لما مع الايام بقيت
فى السراب ماسك خيال
جيت اضم ما لقيت
كنت فرحك سرقتى فرحى
داويت جرحك دميتى جرحى
حبيتك يوم بمشاعرى
كرهتك كل جوارحى
اخرجى من وجدانى
متكونيش اكبراشجانى
بهجر الهجر فيكى
بنسحب من ايامى
متسأليش عن مصيرى
ولا اية ساكن ضميرى
نزلت كلمة النهاية
روحى اشغلى غيرى
هنسى وارجع للحياة
اصاحب جرحى والاة
وهريح روحى ان
الى نسينى لازم انساة

بقلم الشاعر / حاتم صلاح

ليست هناك تعليقات