زجل جميل بالدارجة المغربية - شامل.كوم

موقع شامل المتميز

    مواقع التواصل الاجتماعي


زجل جميل بالدارجة المغربية

زجل



دير بحسابي
ندير بحسابك
راه الصواب خير

دق بابي
ندق بابك
أجي عندي
و سير

شوف سربة لحمام
محلقة فوق لغمام
عافاك...
كون بحال الطير

سول فيا
نسول فيك
وبلاش عليك هاد لهجير
..


1

السر الغامض والحقيقي للنجاح المرأة عاطفيا مع أي رجل بكل سهولة 

 اسرار نجاح العلاقة بين الرجل و المرأة وكيف تربحين القضية معه وسر تعلقه بك حتى يظنو انك سحرتي له.

هذا المقال موجه لجميع النساء ، و اكثر فئة محظوظة بهذه النصائح هي من لا تزال خارج قفص الزواج. طبقوها حرفيا.

 السر الغامض والحقيقي للنجاح المرأة عاطفيا مع اي رجل بكل سهولة


2

زجل

 

البراكة

قصيدة زجلية من صميم الواقع

البراكة،،،
و العين فيها دمعة
صوت القطرة
ونور الشمعة
عطاو عيالات و رجالة
لمرا كبرات لبنات و لولاد
وعطاتهم من دمها
بلا حساب بلا عداد
واخ هي مرا هجالة
شمرات على كتاقها
وصبرات على قلة كساتها
وكثرة لحفا بين قرناتها
وعلى الوقت البدالة
هزاتهم بسنانها
نساوها فمحانها
كبروا لولاد
وكل واحد فين زاد
الزريعة اللي زرعات لبارح
داها من قدامها اليوم الواد
والله وحدو عالم بحالها
ولاو تيشوفو غير لفوق
نساو حوايج البالي
المرمية عرارم فالسوق
ونساو عنوانها
لكن عز الخيل مرابطها
ومهما غابت الطيور
لازم ترجع لوكارها
تعانق ماليها
وطلب منهم يسمحوا ليها
الله يصلحهم 
وهي بالرحمة ديالو
الله يواليها...


سعيد إنسان / شوقي
الرباط / 11. 10. 2014



3

زجل

الحومة لقديمة


الحومة لقديمة
فيها فتحنا عينينا
لعبنا وضحكنا
طحنا و نضنا
ماخلينا فين جرينا
الحومة لقديمة
كنا عايشين فيها
وهي عايشة فينا
حب كبير عشناه
عجبنا بزاف وعجبناه
وناسها عمرهم يتنساو
لينا
...
الحومة لقديمة
حكاية عشنا فيها
وهي مازال 
 عايشة فينا



4

حتى واحد مالقاها
كيف بغاها..
ناس مدورة بيوتها
بالسوار..
وسط فراشها دفيانة
وناس مفرشة الآرض
والبرد طيار..
والسما هي غطاها
الله غالب..
ولا كلمة نقدر نقول
سواها..
صورة حركات وجداني
وتاه عقلي وراها..
هاد الصورة
نادات وراقي و قلامي
وبسرعة لباو نداها..
صورة إنسان
موسد الآرض
فباب الجامع
عمرني مانساها

توقيع و عدسة : سعيد فنان


5

اول مرة


آول مرة شفتك
تمنيت ماتكون 
آخر مرة
فرحان حتى عرفتك
وقلبي مفتون
من آول نظرة


آول مرة القلب رتاح
والكلام تقاضى
يوم تلاقينا
كان آجمل صباح
والحب..آه الحب
عليك وعلي نادى

عندي هدية للزمان
اللي بك لاقاني
ونشكر بزاف لمكان
اللي فطريقك داني

قبل منك كنت إنسان
تايه يحسن عواني
وجات ليوم لفراح
وتقاضات جميع آحزاني

واعدني تبقى جنبي
وعمرك ماتنساني
طول ببنا العشرة
نكون آنا عنوانك
ونت تكون عنواني


6

زجل جميل بالدارجة المغربية 

أنا و الشمعة
في ليلة الجمعة
بكات الشمعة
وقالت ليا

قعدي يا بنيتي حدايا

نحكيليك حكايتي و ضنايا 

فيها عبر

فيها دروس

فيها مرسول 

بين الحروف مدسوس

بدات الشمعة تحكي

وكل كلمة

مغلفة بالدمعة 

قالت و دموعها تجري

حتى انا كنت فيوم

 شابة بزااف

زين و بياض و طول

شان و همة

وسالف مفتول
ما تحلى اللمة 
حتى نكون أنا تما 
نضوي لمكان
نرسم فالظلمة
ابطال من خيال
لحكايات الجدة يامات زمان 
نعقل على بوعو
وحتى على احديدان
وسالف لونجا
شحال نورت 
 طريق كافلات الفرسان


شحال من سر
بين الخليل و خليلتو 
شهدات عليه هاذ العين 
ولا ادوا بيه اللسان
زادو دموع الشمعة 
وما قدرات تحبس الدمعة 
قالت ليا 
عندي ليك وصاية
وصليها للناس من مورايا
قولي لهم عافاك 
لظلام لياليهم
شحال ضويت
وما همني اليوم
حيت كضيت
وريت الطريق للتايهين
نورت ليل المضيومين
  فكل مكان
وما همني اليوم
حيت كضيت
لكل شيء ف الدنيا نهاية
و أجلي صيرتو
كيف بغات لقدار
وليوما كملات حكايتي
و طفات فتيلتي
تبقاو على خير
يا اهل الدار
خلوني نلحك بويا وميمتي 
  و خاوتي الكبار
لوات راس الفتيلة  

 
و طاحت الشمعة حدايا قتيلة
لقيت دموعي جرايا
و شعري شاعل كيف لفتيلة
ناري آه يا ناري اميمتي
ياكما وليت تا نا شمعة عليلة
تبكي و تنوح
باش تضوي ليل لقبيلة
لا 
لا
فيقوني 
فيقوني
النار شاعلة في شعري
الليل كامل
وانا نجري كيف لهبيلة
ما بغيت نكون شمعة عليلة 
ما بغيت نكون للدمعة خليلة 
ما بغيت نموت فبلاصتي يا ناس د لقبيلة
غوتت غوتة كبيرة
و عليها ضرباتني الفيقة
تلمس بيدي شعر راسي
لقيتو فاسك عرقان
احمدت الله و شكرتو
لي كانت غي حلمة 
شربت كاس ما 
و تغطيت 
غمضت العين 
ولا قدر الراس ينسى
حكاية الشمعة مسكينة.


نزيهة مشيش





نزيهة مشيش

السعيدية 
في 
16.05.2016

7

زجلية" كون كنت تومي مع الريح"


عاري عليك يا الريح 
أيلا الطوب الهبيل عقل
وقتاش كان تراب تفكر
جود ب تواشيك
المنبتة غلة وشعير
سمع للغير خبارالخير
عاود ف الخبير
كيف كان حيط اللوح
كيف جهرو البير
هبة على هبة
نقي اودن السماء
تمج العيون ماء
يتشطن خدام الارض
عباد الشمس يخاف
يتخلف نواح البهمة
قحوان و كركاز
هب ياريح الخناث
لاتقول الروح سخات
مارجات فالبور قبور
شلا دموع سقات
والزرزور المحكور
بين السدر عاد حراز
تزوجات الحمامة بلا دهاز
عند العقدة
قالوا الريح كسبوه الحطابة
سولوا العواد
سولوا الوثاد
كان مزاح ثقيل
سبحان الله
شحال من شركي
كان نسيم




م/ب/ك


زجل جميل بالدارجة المغربية


زجل جميل بالدارجة المغربية

زجل



دير بحسابي
ندير بحسابك
راه الصواب خير

دق بابي
ندق بابك
أجي عندي
و سير

شوف سربة لحمام
محلقة فوق لغمام
عافاك...
كون بحال الطير

سول فيا
نسول فيك
وبلاش عليك هاد لهجير
..


1

السر الغامض والحقيقي للنجاح المرأة عاطفيا مع أي رجل بكل سهولة 

 اسرار نجاح العلاقة بين الرجل و المرأة وكيف تربحين القضية معه وسر تعلقه بك حتى يظنو انك سحرتي له.

هذا المقال موجه لجميع النساء ، و اكثر فئة محظوظة بهذه النصائح هي من لا تزال خارج قفص الزواج. طبقوها حرفيا.

 السر الغامض والحقيقي للنجاح المرأة عاطفيا مع اي رجل بكل سهولة


2

زجل

 

البراكة

قصيدة زجلية من صميم الواقع

البراكة،،،
و العين فيها دمعة
صوت القطرة
ونور الشمعة
عطاو عيالات و رجالة
لمرا كبرات لبنات و لولاد
وعطاتهم من دمها
بلا حساب بلا عداد
واخ هي مرا هجالة
شمرات على كتاقها
وصبرات على قلة كساتها
وكثرة لحفا بين قرناتها
وعلى الوقت البدالة
هزاتهم بسنانها
نساوها فمحانها
كبروا لولاد
وكل واحد فين زاد
الزريعة اللي زرعات لبارح
داها من قدامها اليوم الواد
والله وحدو عالم بحالها
ولاو تيشوفو غير لفوق
نساو حوايج البالي
المرمية عرارم فالسوق
ونساو عنوانها
لكن عز الخيل مرابطها
ومهما غابت الطيور
لازم ترجع لوكارها
تعانق ماليها
وطلب منهم يسمحوا ليها
الله يصلحهم 
وهي بالرحمة ديالو
الله يواليها...


سعيد إنسان / شوقي
الرباط / 11. 10. 2014



3

زجل

الحومة لقديمة


الحومة لقديمة
فيها فتحنا عينينا
لعبنا وضحكنا
طحنا و نضنا
ماخلينا فين جرينا
الحومة لقديمة
كنا عايشين فيها
وهي عايشة فينا
حب كبير عشناه
عجبنا بزاف وعجبناه
وناسها عمرهم يتنساو
لينا
...
الحومة لقديمة
حكاية عشنا فيها
وهي مازال 
 عايشة فينا



4

حتى واحد مالقاها
كيف بغاها..
ناس مدورة بيوتها
بالسوار..
وسط فراشها دفيانة
وناس مفرشة الآرض
والبرد طيار..
والسما هي غطاها
الله غالب..
ولا كلمة نقدر نقول
سواها..
صورة حركات وجداني
وتاه عقلي وراها..
هاد الصورة
نادات وراقي و قلامي
وبسرعة لباو نداها..
صورة إنسان
موسد الآرض
فباب الجامع
عمرني مانساها

توقيع و عدسة : سعيد فنان


5

اول مرة


آول مرة شفتك
تمنيت ماتكون 
آخر مرة
فرحان حتى عرفتك
وقلبي مفتون
من آول نظرة


آول مرة القلب رتاح
والكلام تقاضى
يوم تلاقينا
كان آجمل صباح
والحب..آه الحب
عليك وعلي نادى

عندي هدية للزمان
اللي بك لاقاني
ونشكر بزاف لمكان
اللي فطريقك داني

قبل منك كنت إنسان
تايه يحسن عواني
وجات ليوم لفراح
وتقاضات جميع آحزاني

واعدني تبقى جنبي
وعمرك ماتنساني
طول ببنا العشرة
نكون آنا عنوانك
ونت تكون عنواني


6

زجل جميل بالدارجة المغربية 

أنا و الشمعة
في ليلة الجمعة
بكات الشمعة
وقالت ليا

قعدي يا بنيتي حدايا

نحكيليك حكايتي و ضنايا 

فيها عبر

فيها دروس

فيها مرسول 

بين الحروف مدسوس

بدات الشمعة تحكي

وكل كلمة

مغلفة بالدمعة 

قالت و دموعها تجري

حتى انا كنت فيوم

 شابة بزااف

زين و بياض و طول

شان و همة

وسالف مفتول
ما تحلى اللمة 
حتى نكون أنا تما 
نضوي لمكان
نرسم فالظلمة
ابطال من خيال
لحكايات الجدة يامات زمان 
نعقل على بوعو
وحتى على احديدان
وسالف لونجا
شحال نورت 
 طريق كافلات الفرسان


شحال من سر
بين الخليل و خليلتو 
شهدات عليه هاذ العين 
ولا ادوا بيه اللسان
زادو دموع الشمعة 
وما قدرات تحبس الدمعة 
قالت ليا 
عندي ليك وصاية
وصليها للناس من مورايا
قولي لهم عافاك 
لظلام لياليهم
شحال ضويت
وما همني اليوم
حيت كضيت
وريت الطريق للتايهين
نورت ليل المضيومين
  فكل مكان
وما همني اليوم
حيت كضيت
لكل شيء ف الدنيا نهاية
و أجلي صيرتو
كيف بغات لقدار
وليوما كملات حكايتي
و طفات فتيلتي
تبقاو على خير
يا اهل الدار
خلوني نلحك بويا وميمتي 
  و خاوتي الكبار
لوات راس الفتيلة  

 
و طاحت الشمعة حدايا قتيلة
لقيت دموعي جرايا
و شعري شاعل كيف لفتيلة
ناري آه يا ناري اميمتي
ياكما وليت تا نا شمعة عليلة
تبكي و تنوح
باش تضوي ليل لقبيلة
لا 
لا
فيقوني 
فيقوني
النار شاعلة في شعري
الليل كامل
وانا نجري كيف لهبيلة
ما بغيت نكون شمعة عليلة 
ما بغيت نكون للدمعة خليلة 
ما بغيت نموت فبلاصتي يا ناس د لقبيلة
غوتت غوتة كبيرة
و عليها ضرباتني الفيقة
تلمس بيدي شعر راسي
لقيتو فاسك عرقان
احمدت الله و شكرتو
لي كانت غي حلمة 
شربت كاس ما 
و تغطيت 
غمضت العين 
ولا قدر الراس ينسى
حكاية الشمعة مسكينة.


نزيهة مشيش





نزيهة مشيش

السعيدية 
في 
16.05.2016

7

زجلية" كون كنت تومي مع الريح"


عاري عليك يا الريح 
أيلا الطوب الهبيل عقل
وقتاش كان تراب تفكر
جود ب تواشيك
المنبتة غلة وشعير
سمع للغير خبارالخير
عاود ف الخبير
كيف كان حيط اللوح
كيف جهرو البير
هبة على هبة
نقي اودن السماء
تمج العيون ماء
يتشطن خدام الارض
عباد الشمس يخاف
يتخلف نواح البهمة
قحوان و كركاز
هب ياريح الخناث
لاتقول الروح سخات
مارجات فالبور قبور
شلا دموع سقات
والزرزور المحكور
بين السدر عاد حراز
تزوجات الحمامة بلا دهاز
عند العقدة
قالوا الريح كسبوه الحطابة
سولوا العواد
سولوا الوثاد
كان مزاح ثقيل
سبحان الله
شحال من شركي
كان نسيم




م/ب/ك