قصص عشق - قصة إعجاب من نوع آخر - شامل.كوم

موقع شامل المتميز

    مواقع التواصل الاجتماعي

قصص عشق غرامية بالدارجة المغربية 

قصة إعجاب من نوع آخر

قصص عشق


أنا ملي كتجيني طلب إضافة من عند شي ولد ؛ كندخل الپروفيل ديالو نبقششو مزيان ويلا عجبني كنسرح في التصويرة اللي عجباتني بزاف احم احم .. ونبدى نتخايل راسي أنا وياه في عرسنا مع ماماه كنبوسو ليها راسها في شي سيلفي ميلفي ؛ وولدت ولد يشبهو وبنت كتشبهني ،و درنا جلسة تصوير عائلية اللي فيها كنكون لابسة أنا وبنتي و هو ولدي فحال فحال .. شوية كنتفكر باللي أنا مرتو و كنرجع ندخل الپروفيل و نبقشش الجيمات و الكومونطيرات و ندخل في حشيان الهضرة مع شي وحدات و نتسناه حتى يدخل من الخدمة و نقوليه على طريقة "ميريام فارس : 

حاول تختار بيني و بينها ؛ لحسن تظلمني و تظلمها 

خلي ف قلبك وحدة وبس ، علشان تقدر بيها تحس 

أما واحنا معاك لاثنين ، انت مفيش عندك قلبين 

أنا مش أنانية أنا عايزاك ليا لوحدي " 

تقلقت منو ؛وملي وصلات وقيتت نعاس هزيت مانطتي و مشيت نعست في الصالون و الغذ ليه بلوكاهم كاملات في الفايسبوك وتفاهمنا باللي انا منقبل ولاد و هو نا يقبل بنات ..وصالحني وباش نرضى ؛ جاب ليا هدية كبيرة اللي عجباتني و خلاتني ننباهر و نحط ايدي على فمي من اعجابي بالمفاجأة قبل من نقز عليه و نعنقووووووو ونتعلق فيه و هو كدور فيا فحال دواخا حتى رجلي مبقاوش كقيسو الأرض ..وبعدها حطني و جرني من ايديا وطلعني في الطوموبيل وما وقفنا حتى وصلنا الأوتيل اللي حظر ليا فيه ليلة رومانسية لينا غير أنا وياه ، و رجعنا عشنا قصة حبنا من جديد تصالحنا غرام و عشق في الهواء و بالونات القلوب الحمرا مدورين الطابلة ديال العشا اللي جامعانا و عينينا كتغازلو على ضوء الشمع الاحمر الخافت .. ووقتها قاليا :أنت أجمل نساء العالم يا سارا و أنا جاوبتو أنت سيد رجال الكون يا حبيبي .. وأنا غاطسة في عينيه من كثرة الهيام ؛ حتى كتوصلني رسالة من أحد الصديقات اللي كتنخضني وتخليني نفكر في السبب اللي خلاه يضيفني ؛ صورتي اللي عجباتو ؛ عجباتو حيث ريتريكاوية على أصول ؟ وفي لحظة كهزني الواقع و كحطني أمام أمر كل سلبياتي الشخصية و ديفواتي الجسدية اللي من بعدها كندخل في صراع مع راسي ..كون عرف هاذ شي كامل يا ترى كان ابعثلي طلب إضافة ؟! واتغرم فيا و بغاني ومن بعد أيام تعارف و ساعات ديال الهضرة على الواتساپ جا خطبني من دارنا ؟؟و قاليا باللي باغي يكمل حياتو معايا ؟!! 

أكيد ؛ لا .. و كنرفض طلب الصداقة ديالو و أنا كنتخيل راسي كنقول ليه : فل مااا بدي منك شي انت ما بتعني لي شي كل اللي بيني و بينك اعتبرو ماضي و نسيه .. 

وكنمشي نصايب شي تصويرة و نقادها في صالون يوكام و ننشرها ؛ حيث بطبيعة الحال غاذي يرجع يضرب دويرة في پروفايلي و يتأكد واش قبلتو ولا لا .. وغاذي يفهم باللي أنا ماشي فحالهم و يمكن يفكر باللي أنا مرتبطة بغيرو ونخلي الحسرة تاكلو و نرجع لروتينياتي اليومية بكل هدوء ! 

قصة إعجاب من نوع آخر 
سارا جاد 

قصص عشق - قصة إعجاب من نوع آخر

قصص عشق غرامية بالدارجة المغربية 

قصة إعجاب من نوع آخر

قصص عشق


أنا ملي كتجيني طلب إضافة من عند شي ولد ؛ كندخل الپروفيل ديالو نبقششو مزيان ويلا عجبني كنسرح في التصويرة اللي عجباتني بزاف احم احم .. ونبدى نتخايل راسي أنا وياه في عرسنا مع ماماه كنبوسو ليها راسها في شي سيلفي ميلفي ؛ وولدت ولد يشبهو وبنت كتشبهني ،و درنا جلسة تصوير عائلية اللي فيها كنكون لابسة أنا وبنتي و هو ولدي فحال فحال .. شوية كنتفكر باللي أنا مرتو و كنرجع ندخل الپروفيل و نبقشش الجيمات و الكومونطيرات و ندخل في حشيان الهضرة مع شي وحدات و نتسناه حتى يدخل من الخدمة و نقوليه على طريقة "ميريام فارس : 

حاول تختار بيني و بينها ؛ لحسن تظلمني و تظلمها 

خلي ف قلبك وحدة وبس ، علشان تقدر بيها تحس 

أما واحنا معاك لاثنين ، انت مفيش عندك قلبين 

أنا مش أنانية أنا عايزاك ليا لوحدي " 

تقلقت منو ؛وملي وصلات وقيتت نعاس هزيت مانطتي و مشيت نعست في الصالون و الغذ ليه بلوكاهم كاملات في الفايسبوك وتفاهمنا باللي انا منقبل ولاد و هو نا يقبل بنات ..وصالحني وباش نرضى ؛ جاب ليا هدية كبيرة اللي عجباتني و خلاتني ننباهر و نحط ايدي على فمي من اعجابي بالمفاجأة قبل من نقز عليه و نعنقووووووو ونتعلق فيه و هو كدور فيا فحال دواخا حتى رجلي مبقاوش كقيسو الأرض ..وبعدها حطني و جرني من ايديا وطلعني في الطوموبيل وما وقفنا حتى وصلنا الأوتيل اللي حظر ليا فيه ليلة رومانسية لينا غير أنا وياه ، و رجعنا عشنا قصة حبنا من جديد تصالحنا غرام و عشق في الهواء و بالونات القلوب الحمرا مدورين الطابلة ديال العشا اللي جامعانا و عينينا كتغازلو على ضوء الشمع الاحمر الخافت .. ووقتها قاليا :أنت أجمل نساء العالم يا سارا و أنا جاوبتو أنت سيد رجال الكون يا حبيبي .. وأنا غاطسة في عينيه من كثرة الهيام ؛ حتى كتوصلني رسالة من أحد الصديقات اللي كتنخضني وتخليني نفكر في السبب اللي خلاه يضيفني ؛ صورتي اللي عجباتو ؛ عجباتو حيث ريتريكاوية على أصول ؟ وفي لحظة كهزني الواقع و كحطني أمام أمر كل سلبياتي الشخصية و ديفواتي الجسدية اللي من بعدها كندخل في صراع مع راسي ..كون عرف هاذ شي كامل يا ترى كان ابعثلي طلب إضافة ؟! واتغرم فيا و بغاني ومن بعد أيام تعارف و ساعات ديال الهضرة على الواتساپ جا خطبني من دارنا ؟؟و قاليا باللي باغي يكمل حياتو معايا ؟!! 

أكيد ؛ لا .. و كنرفض طلب الصداقة ديالو و أنا كنتخيل راسي كنقول ليه : فل مااا بدي منك شي انت ما بتعني لي شي كل اللي بيني و بينك اعتبرو ماضي و نسيه .. 

وكنمشي نصايب شي تصويرة و نقادها في صالون يوكام و ننشرها ؛ حيث بطبيعة الحال غاذي يرجع يضرب دويرة في پروفايلي و يتأكد واش قبلتو ولا لا .. وغاذي يفهم باللي أنا ماشي فحالهم و يمكن يفكر باللي أنا مرتبطة بغيرو ونخلي الحسرة تاكلو و نرجع لروتينياتي اليومية بكل هدوء ! 

قصة إعجاب من نوع آخر 
سارا جاد