قصص عشق منوعة - شامل.كوم

موقع شامل المتميز

    مواقع التواصل الاجتماعي

سشوار مع سبق الإصرار

قصص عشق

ناديا ؛مرت خالي عندها صالون ديال الحلاقة تحت من الدار؛ كنت نهار كنسمع جات شي عروسة ريزيرڤات ، كنمشي نجري نرتب الپروچرامات ديالي اليومية ونزاحم شي مع شي و كاينين المواعيد اللي كنلغيهم على قبل هذاك النهار ؛ نهار اللي غاذي تجي فيه العروسة تصايب .. هاوا هذاك نهار وصل ؛ وعارفة باللي ديما العريسات كجيو مع الوقيتة ما بين طناش و جوج ؛ نضت بكري ، فطرت دوشت و تقاديت .. و تغذيت قبل الوقت و قبل من كلشي ؛ حيث علرفة راسي غاذي نبقى محبوسة بالساعات وغاذي يضرني الجوع ؛ و كل لحظة كتدوز ككون فيها فيلم مشوق .. شديت بلاصتي في الصالون باش حتى شي حد ما يزعم يزعزعني منها .. و بينما جاو بقيت كنتفرج في المجلات الي فوق الطابلة والس فايت تفرجت فيهم من قبل هاذ المرة شي مية مرة حتى حفظتهم ، وايني غير باش نحافظ على هبتي ملي تجي العروسة ..غير جات ; جابت معاها الجيش ديالها طبعا ؛ لقاوني مقنتة، وحدة منهم سولاتني و بطبيعة الحال ماشي هي العروسة ، حيث هاذ الأخيرة ، كتكون فاطنة على الهضرة مخاصهاش تحرك شنايفها لا يتيراو ليها و يبانو مشرعين ملي تزومي عليها الكاميرا ؛المهم غتكون وحدة من عائلتها وغااالبا غتكون لوستها ؛ كنعرفها غير من شدة البزطام مزيرة عليه و كل جزء من الثانية كتتحسسو واش مازال شاداه في ايديها حيث فيه فلوس وزارة الداخلية اللي غادي تخلص بيه الكادو ديال العروسة المشطة و الماكياج ، و بنبرة حادة ديال وحدة حارة ومالفة فيها تضاربات كتقول ليا : ختي كلمي ليا مولات الصالون ؟! لا سلام لا مسا الخير ؛وفي راسي كبداو يلعبو الحمادشة😤 ختك ؟؟انتي قادرة تكوني ضرة لجدة و تقولي ليا ختك ؟!!! وكنجاوبها وأنا متململتش من بلاصتي : شتي أ خالتي ، هاذاك السرسار اللي برا راه كطوط عليها في بيتها نيشان غير تسمعو غاذي تهبط .. 
مصات الحامض و مشات تصوني عليها .. بركو في الكراسة اللي مقابلين معايا وبداو يساريو عينيهم في الصالون أما العروسة معنزة على التلفون ؛ مساج و را لاخور .. 
ها هي مرت خالي هبطات ، السلام عليكم ! وفي رمشة عين نزل عليهم الأدب و الصواب .. وعليكم السلام أ حبيبة ، جينا بكري ياك ؟! يا كما نوضناك على الماكلة أ ختي ؟! ومع مرت خالي مصوابة كتقوليهم لا لا و هي سنانها مازال لاصق فيهم الربيع ديال السردين اللي كلات😳
والعروسة لحد الآن مازال مسمعناش صوتها .. ناضت كتمختر تقولي مطهرينها 😂 و بركات قدام المرايا و حيدات الزيف على شعرها و نصلات جلابتها و بدات كتصايب ليها البروشينغ باش تطلع ليها المشطة .. وأنا مفيكسية عينيا في شعر زعمة كنتعلم ، وباش نحسسها في نفس الوقت أنني منيضاش ليها من نعاس ..واحد شوية چمزات لوحدة من الجيش ديالها و شيرات بايديها على قرجوطتها زعمة عطشات .. وكاملات ناضو يجريو يجيبو ليها الما حيث خايفينها تسخف .. وأنا كنشوفيهم بجناب عينيا ، و في الآخر شربات جغمة .. جغمة وحدة مزادتش عليها قطرة ؟؟؟ وأنا كنقول يا ربي تكمل الكاس و تزيدها واحد آخر حتى كرشها تبودز و باش المضمة والديها متسد ليها غ بزز و كل ما ململات جنابها باش تقاد الچلسة؛ تحل ليها و تبقى بالتكشيطة محلولة ك الچناوي خويا ، حتى تجي النچافة تجري تعتق ليها الموقف .. حتى لقيت راسي معروضة للعرس و بديت نجري حيث خاصني نكري أحسن تكشيطة و نشري السباط اللي يواتيها و الصاك اللي يجي عليها ، ونصايب حتى أنا مشيطة موديغن اللي تبرزني حسن من العروسة .. وتخلي ناس العرس يهضرو غير عليا و على الجمال ديالي ؛ ما علينا ؛ وصلت العرس دخلت كلشي تلفت فيا ، نباهرو و أنا متقلة المشية و مكنشوف في حتى واحد باش يفهمو أنني واثقة في راسي ، و ما چلست غير قدام طابلة العريس و العروسة .. ياختييييي العريس شحال زوين ؟! آش عجبو في هاذ المشچة ؟! المعفرة المنفخة ؟! وفين طاحت عليه ؟؟! سخنت بلاصتي من بعد نضت نشطح قدامهم باش نشوف واش غاذي يشوف فياالعريس ولا لا ؟؟ و واش غاذي نعجبو ؟! و أنا كنشطح عيني مكحيدوش عليهم مرة هو و مرة هي وكنحاول نفهم شنو اللي جذبو فيها ؟! العينين الطايحين ؟! الحزام المنصول ولا النخوة على الخوة ؟! ونا كنشطح وفي الوقيتة اللي كنتساءل فاش غاذي يكون خدام ؛ عفطات عليا واحد الهيشة اللي غ مدرمة حتى هي آاااو وااااو راه شطيح بالعبار شطحي و عرفي فين كتشتفي 😡😡😡واخا أنا مسمعتهاش الهضرة حتى قالت ليا سمحي ليا أ ختي .. و رجعات قالتها مرة ثانية .. يالاه غاذي نقوليها معليش تحطات عليا إيد اللي خلاتني نفيق ونرجع للصالون ، ولقيتها لوست العروسة بصح عفطات عليا؛ وكتقول ليا سمحي أ ختي ندوز؟! مع زحام في الصالون ..بغيت ندوز ورا ظهرك نشوف الماكياج اللي حاطينو البيع .. 
مازال كتقول ليا ختي هاذ الحرتوكية ؟!!! 😡😡😡 
لا مكاين مشكل دوزي دوزي ؛ أ خاااالتي ! 
وهي تقرس تلفتات في الجيش اللي معاها وحدة وحدة و قالت ليا : آجي انتي من قبيلة و كتقولي ليا خالتي ؟! مكاين باس ؟! 
أنا : حيث تعلمت نحتارم اللي كبر مني و نقدرهم بكلمت خالتي و لا عمي .. 
هي : أ ويلي على خالتك سكتي سكتي راني عندي غ ربعين عام علاه انتي شحال عندك ؟! 
و أما متأكدة نقسات منها القليلة شي خمس سنين .. 
أنا : عندي سطاسر عام ؛ و انتي چاع كبر من ماما ب ربع سنين .. مازال شنو بغيتيني نقوليك أ خالتي ؟! 
ضربت الطم و كلشي زمط الضحكة حتى من العروسة 😁😁 
واحد شوية قالت ليا : يا ختي باينة عليك كثر !! متكونيش نقستي شي بركة؟! 
وللمرة العاشرة كتقوليا ختي ؟! وأنا كنچمچم في خاطري : يخوي ليك جناب و يسوس ليك الضلوع ..ان شاء الله 😤😤😤
تلفتات فيا مرت خالي و هي كتزاوچني بعينيها نسكت حيث عارفة معنديش علاش نحشم .. 
أنا : لا ، الى مالفة ليك انتي معرفت ؛ المهم غير شاوري ، العقد زدياد ديالي لقيتيني عاد جبتو من المقاطعة ! راه غير فوق االتلفازة لهيه 😬 
قلبات الهضرة و قالت: حچى عرضتو على فلانة ؟؟ و دخلات في أمور العرس وبقات جارة الهضرة حتى فهمتنا شنو مطيبين واش من نوع حلاوي دايرين و الاوركسترا اللي جايبين و حتى من القاعة فين و هاد شي غا بالفن .. 
ها هي العروسة كملات ؛ عندها الزهر طاحت في مرت خالي محترفة قاداتها و رجعاتها تضوي .. غير شافت راسها و سمعاتهم بداو يصليو على نبي .. نفخات صدرها و شقلبات عينيها و رمشات بشفار اللي غير ملصقين و قالت لمرت خالي الله يعطيك الصحة .. أ ختي !! 
الحرتوكيةدازت خلصات مرت خالي و الجيش دورو العروسة ، اللي سبحان الخالق ، بدلات مشيتها ولات تمايل فحال شي بطريق ؛ دلالة على التقالة و رزانة زعمة ؟! مك يا مك .. وخرجوها بزغاريت حتى ركبوها في الطوموبيل طوط طوط زطوروطوط ومشاو .. وبقيت متبعاهم بعينيا من زجاجة ديال الثالون اللي مكتبينش من برا حتى غبرو .. 
وغير تلفت لقيت مرت خالي كتخنزر فيا .. ضربتها بتكرييطة من عندها للدار ما وقفت حتى سديت عليا في بيتي .. .. أوووف !! أييه هانا سلكت منها ، دبا شكون غاذي يصايب ليا شعكاكتي هاذ شهر كامل ؟!! عمرها مازال تخليني نعتب صالونها

سارا جاد

غاذة نتزوج وربي كبير 😤

غاذة ‫نتزوج وربي كبير

فييييين ما ندور ؛ هاذي تخطبت هاذي تزوجات هاذي عرسها في الصيف هاذي شهرها د الكوفيتير في ربيع ؟! أييييه فهمنا هادي .. و أنا ما محلي من الإعراب ؟! نبقى غا تابعة و نشري الكادويات نعاون في دهازات و نزرر؟!؟ ! فلوسي كلهم مشاو غير في كريان تكاشط و البروشينچات عند الكوافورات 😤 
لا و اللي تصاحبت مع شي موتشو تجي تبخر ليا مخي ؛ "خاااااطيبي" كموت عليا ، وداير كيف الخاتم في صبعي وغاذي يدير ليا الدار في سميتي .. وماشي فحال راجل فلانة و فرتلانة .. ميهزش عينيه في البنات 🙈 أبداا
😳😳😳 هااااااذاك ؟! وايلي أختيييييييي يالاه ضربها ليا بغمزة ؟؟! 😈😈😈 
مشيت و خليتهم مشادين هو كدافع على راسو من الكول باطو وهي محاتيا عليه من الكول ڤي 💃🏻
هايا دار رابت عليك قبل تكتب في سميتك .. بردتي ؟! يالاه بيري يا بنت المغوبش💃🏻

واللي تزوجات اليوم تولد غدليه ديال تسعشهورية ؟! 
هذاك شي عندهم بحساب الخوشيبات ؟؟! 😲 
آيييييه ضمانت الحريميات .. هاذاك الولد هو لوردونونص ديال دواه .. وماتجي فين ترضعو سيمانة حتى تپروچرامي للثاني .. غرقي باباه يستاهل 🤐 ولد الكامبو لاخور👊🏻

وأنا نبقى غا نتفرج و ساكتة ؟! لاواه بزاف .. 
هاذ الشهر نتزوج .. ويلا مدرتهاش ها وجهي و ها چفايا معاه بونيص 🙄 
و بديت نفكر .. نفكر .. نفكر .. ننننن لا صافي فكرت و جمعت و طويت .. 
الساعة الاولى اللي حل فيها السيبير وقفت عليه ..!!

كتب يا ما تكتب ; 
كارامايل.كوم -->روم الزواج !

شابة ثلاثينية واخذة حقي من الزين و ما واخذاهش من الورث 😪 حيث خالي و مراتو واكلين ليا حقي في الدار بماعنها و الفيرمة ببچرها و الچاراجات ب كلامونيطاتهم و حتى الچريمات ومازوطهم .. 
إلى راك سيد رجال ، طويل و واقف مچاد(صبرت حتى صبرت وناخذو مايل؟) وقادر توقف معايا وقفت ليهود
قاري و فاهم ومستاعد تطلع و تهبط على حقي اللي مسجل ومچاليزي في الوراق و متورخ عند ماليه و عندك مع الحساب مزيان ؛ تقدر توقف على الكرايا و خلصت الچريمات وتهلا في هاذ ليتيمة على سنة الله و رسوله .. قول لميمتك ورا العاصر تعيط في هاذ النمرة لمرت خالي و تفاهم هي وياها .. ووياك تقول ليهم راكم على بال .. لا يخافو وميزوجونيش ! مسيتك بخير أ زوجي العزيز .. تهلا ليا فراسك و متديرش ف بالك !

ما جيت فين نوصل للدار ؛ حتى لقيت مرت خالي ولات سطونداريست .. عارفاهم مايجيوش بيدهم خاويين .. الحلوفة ديكالاتهم بساعة 🤓 
مرت خالي : آجي انتي لهنا ؟! شنو قضيت هاذ العرام اللي باغين يخطبوك ؟! 
أنا : باغية تفكي مني ؟! 
مرت خالي : مكرهتش .. 
أنا : إيوا متسوليش و تشرطي مزيان و قوي في دهاز و العرس في القاعة و النچافة زهور اللي نچفت العرجة و اوركسترا المراكشي اللي جابت بنت الحولة لعرسها .. مقبلوش دردبيه مع دروج ! واللي معجبنيش و بان ليا ما يطلعش في الكادر ديال تصويرة عرسنا راني نغمز ليك ؛ حطي لميمتو قوالبها في يديها و زيديها ربطة د نعناع على حسابي .. خليها تعمر ليها و لولدها تاي و يچادو مجاجهم
نخليك دبا غاذي نمشي نوجد راسي باش نبرز ! 
اللول : اممممم لونو باهت ✋🏻
الثاني : كيچمز بزاف ✋🏻
الثالث : قصير ومبودز ✋🏻
الرابع : مخدامش مزيان ✋🏻
الخامس : ويلي ويلي .. زين و طولة و تجريدة ؛ مواتيني و هو بارك، يعلم الله ل وقف ..😍 
تشاوفنا .. لبست أحلى ما عندي في لباسي .. وهو جاي عليه الكلاص ؛ كون شافتو چوادالوپي كون سمحت في ألفريدو 💃🏻💃🏻 
مونعيم: واااه شحال زوينة و شحال عجبتيني ثقيلة و رزينة .. ممثيقش راكي غاذي تولي حلالي .. 
أنا : يااااه ؛ دخلتي ليا لخاطري وغير شفتك عرفتك ولد ناس .. حتى أنا ممثيقاش! 
مونعييم : ربي يخلينا لبعضياتنا .. فين بغيتي نمشيو ورا العرس؟! 
أنا : للشمال ؛ وغير ناخذو رزقنا وقتها منخليو حتى بلاد! 
مونعيم : هضرتك معقولة ..مقلتيش ليا شمن ديپلوم عندك ؟! 
أنا : خرجت من السانكيام ؛ نهار ماتو ليا والديا .. الله يرحمهم ، ومن تماك مبقيتش باغية نقرا .. وراك عارف خالي شوية سقيريم ؛ ضطريت نخدم في لوزين سبابط باش نتهلا فراسي ؛ هذاك شي علاش بغيت واخد قاري 
مونعيم : أنا خدام في واحد الشركة ديال نقل راك عارفة وايني عندي ديپلوم تجارة ! ملقيتش خدمة بيه 
أنا : باذن الله غذا تحل الشركة ديالك ؛ غير نولد و نباليو بخالي .. 
مونعيم : تولدي؟! 😳 وعلاش نتسناو؟! 
أنا : خالي ملي يشوفني ولدت و درت داري بصح يآمن فيك و يعرفك راجلي ديال بصح ويخافك ؛ راك غادي تولي قدامو رااااجل و نص ؛ أما لكنتي معندكش الوتد ، هذاك جروندي يرسل لحبيبي رباعت شلاهبية يصفيوها ليك ! 😪اللي نطولوه نقصروه و قتها ندخلو عليه بولدنا و نتكاوحز أنا ونخلي راااااجلي همة وشاااني يبالي بيهم ؛ انت طبعا! 
مونعيم :آه ؛ وايني في هاذ الوقت راك غاذي تزيري معايا شوية .. رزقي كلو غا يمشي في العرس حتى يفكها ربي ! 
أنا : متخافش ؛ نبقى خدامة حتى انا بتخبية حتى يفك ربي وحايلي ؟! و حتى صداق مبغيتوش ؛ كتب ليا مية مليون في المؤخر .. صافي ؛آش قلتي؟!! 😉 
مونعيم : مية مليون لاش ؟!! 😳😳 
أنا : باش خالي ميشكش انت راك قد الحال و تقدر تدور عليه .. ويوافقنا بسهولة نتزوجو باسرع وقت ! 
وحتى انت غير بيناتنا راها غير ورقة ؛ ياك ما ناوي نشدو الفلوس وتطلقني ؟!! 😪😪😪 
مونعيييم : لا الحبيبة ديالي ؛ و أنا موافق معاك أ نور عينيا غير بقاي على خاطرك 
😍😍😍 صلااا وسلااااام روروروروورراي 
داتو و داتو واللاهيما خلاتو .. داها وداها .. والبلا جاي موراها 👰🏻👦🏻 (العام الاول عسل و الثاني يبدى نحل ؛ أصلا چاع لمزوجين انا وفرت عليه بعدة و درت ليه علاش)😬 
و شكون كتلوح عليا في الورد ؟! البايرة بنت فطايمة الهبيلة .. الله يكثر خيرها ؛ اللفعات اللي كانو يعايروني ؛برجالاتهم و لاو بايرات وهوما حداهم ؛ عرسي حتى وحدة من بنت المدينة مدارت بحالو .. وموتو بالسم دبا !

ونخليكم دبا نمشي نشرب دوايا قبل ما يوذن الفجر 😉

دوزو بخير 

نصائح ساروشكا

نصائح ساروشكا

ملي تديري دعاء تيسير الزواج .. طلبيها كبيرة ؛ يا ربي جوجني بشي پيلوط ديما في سما طاير و الصالير ديما في جيبي داير

باش حتى لكانت الپروموسيو في تحقيق الأمنيات تفوزي بشي حاجة تواتيك ..

ماشي تچولي :ع الله يجي يخطبني غ مول الببوش وملي ربي يسيفطو ليك كبيع النعناع جي هرنطي علينا و ديري منشور و هرسي لينا راسنا و نوحي و سدي لينا الشهية و تقولي :

شابة و أبلغ ستة و عشرين من العمر 
و جمالي عرضه يبلغ نصف طول البحر 
نحيفة طويلة رقيقة حنونة ولكن والو زهر 
نظل على الخبز حرفي ظهر عشا و فجر 
أليس من حقي ان أدلل و اهجر بيت القهر؟

😆😆😆😆 
مع احتراماتي -->لمول الببوش اللي كنت نظل نغمز فيه باش يقوي البلول و مول نعناع اللي بضحكة كان كعطيه ليا فابور 😂

قصص عشق منوعة

سشوار مع سبق الإصرار

قصص عشق

ناديا ؛مرت خالي عندها صالون ديال الحلاقة تحت من الدار؛ كنت نهار كنسمع جات شي عروسة ريزيرڤات ، كنمشي نجري نرتب الپروچرامات ديالي اليومية ونزاحم شي مع شي و كاينين المواعيد اللي كنلغيهم على قبل هذاك النهار ؛ نهار اللي غاذي تجي فيه العروسة تصايب .. هاوا هذاك نهار وصل ؛ وعارفة باللي ديما العريسات كجيو مع الوقيتة ما بين طناش و جوج ؛ نضت بكري ، فطرت دوشت و تقاديت .. و تغذيت قبل الوقت و قبل من كلشي ؛ حيث علرفة راسي غاذي نبقى محبوسة بالساعات وغاذي يضرني الجوع ؛ و كل لحظة كتدوز ككون فيها فيلم مشوق .. شديت بلاصتي في الصالون باش حتى شي حد ما يزعم يزعزعني منها .. و بينما جاو بقيت كنتفرج في المجلات الي فوق الطابلة والس فايت تفرجت فيهم من قبل هاذ المرة شي مية مرة حتى حفظتهم ، وايني غير باش نحافظ على هبتي ملي تجي العروسة ..غير جات ; جابت معاها الجيش ديالها طبعا ؛ لقاوني مقنتة، وحدة منهم سولاتني و بطبيعة الحال ماشي هي العروسة ، حيث هاذ الأخيرة ، كتكون فاطنة على الهضرة مخاصهاش تحرك شنايفها لا يتيراو ليها و يبانو مشرعين ملي تزومي عليها الكاميرا ؛المهم غتكون وحدة من عائلتها وغااالبا غتكون لوستها ؛ كنعرفها غير من شدة البزطام مزيرة عليه و كل جزء من الثانية كتتحسسو واش مازال شاداه في ايديها حيث فيه فلوس وزارة الداخلية اللي غادي تخلص بيه الكادو ديال العروسة المشطة و الماكياج ، و بنبرة حادة ديال وحدة حارة ومالفة فيها تضاربات كتقول ليا : ختي كلمي ليا مولات الصالون ؟! لا سلام لا مسا الخير ؛وفي راسي كبداو يلعبو الحمادشة😤 ختك ؟؟انتي قادرة تكوني ضرة لجدة و تقولي ليا ختك ؟!!! وكنجاوبها وأنا متململتش من بلاصتي : شتي أ خالتي ، هاذاك السرسار اللي برا راه كطوط عليها في بيتها نيشان غير تسمعو غاذي تهبط .. 
مصات الحامض و مشات تصوني عليها .. بركو في الكراسة اللي مقابلين معايا وبداو يساريو عينيهم في الصالون أما العروسة معنزة على التلفون ؛ مساج و را لاخور .. 
ها هي مرت خالي هبطات ، السلام عليكم ! وفي رمشة عين نزل عليهم الأدب و الصواب .. وعليكم السلام أ حبيبة ، جينا بكري ياك ؟! يا كما نوضناك على الماكلة أ ختي ؟! ومع مرت خالي مصوابة كتقوليهم لا لا و هي سنانها مازال لاصق فيهم الربيع ديال السردين اللي كلات😳
والعروسة لحد الآن مازال مسمعناش صوتها .. ناضت كتمختر تقولي مطهرينها 😂 و بركات قدام المرايا و حيدات الزيف على شعرها و نصلات جلابتها و بدات كتصايب ليها البروشينغ باش تطلع ليها المشطة .. وأنا مفيكسية عينيا في شعر زعمة كنتعلم ، وباش نحسسها في نفس الوقت أنني منيضاش ليها من نعاس ..واحد شوية چمزات لوحدة من الجيش ديالها و شيرات بايديها على قرجوطتها زعمة عطشات .. وكاملات ناضو يجريو يجيبو ليها الما حيث خايفينها تسخف .. وأنا كنشوفيهم بجناب عينيا ، و في الآخر شربات جغمة .. جغمة وحدة مزادتش عليها قطرة ؟؟؟ وأنا كنقول يا ربي تكمل الكاس و تزيدها واحد آخر حتى كرشها تبودز و باش المضمة والديها متسد ليها غ بزز و كل ما ململات جنابها باش تقاد الچلسة؛ تحل ليها و تبقى بالتكشيطة محلولة ك الچناوي خويا ، حتى تجي النچافة تجري تعتق ليها الموقف .. حتى لقيت راسي معروضة للعرس و بديت نجري حيث خاصني نكري أحسن تكشيطة و نشري السباط اللي يواتيها و الصاك اللي يجي عليها ، ونصايب حتى أنا مشيطة موديغن اللي تبرزني حسن من العروسة .. وتخلي ناس العرس يهضرو غير عليا و على الجمال ديالي ؛ ما علينا ؛ وصلت العرس دخلت كلشي تلفت فيا ، نباهرو و أنا متقلة المشية و مكنشوف في حتى واحد باش يفهمو أنني واثقة في راسي ، و ما چلست غير قدام طابلة العريس و العروسة .. ياختييييي العريس شحال زوين ؟! آش عجبو في هاذ المشچة ؟! المعفرة المنفخة ؟! وفين طاحت عليه ؟؟! سخنت بلاصتي من بعد نضت نشطح قدامهم باش نشوف واش غاذي يشوف فياالعريس ولا لا ؟؟ و واش غاذي نعجبو ؟! و أنا كنشطح عيني مكحيدوش عليهم مرة هو و مرة هي وكنحاول نفهم شنو اللي جذبو فيها ؟! العينين الطايحين ؟! الحزام المنصول ولا النخوة على الخوة ؟! ونا كنشطح وفي الوقيتة اللي كنتساءل فاش غاذي يكون خدام ؛ عفطات عليا واحد الهيشة اللي غ مدرمة حتى هي آاااو وااااو راه شطيح بالعبار شطحي و عرفي فين كتشتفي 😡😡😡واخا أنا مسمعتهاش الهضرة حتى قالت ليا سمحي ليا أ ختي .. و رجعات قالتها مرة ثانية .. يالاه غاذي نقوليها معليش تحطات عليا إيد اللي خلاتني نفيق ونرجع للصالون ، ولقيتها لوست العروسة بصح عفطات عليا؛ وكتقول ليا سمحي أ ختي ندوز؟! مع زحام في الصالون ..بغيت ندوز ورا ظهرك نشوف الماكياج اللي حاطينو البيع .. 
مازال كتقول ليا ختي هاذ الحرتوكية ؟!!! 😡😡😡 
لا مكاين مشكل دوزي دوزي ؛ أ خاااالتي ! 
وهي تقرس تلفتات في الجيش اللي معاها وحدة وحدة و قالت ليا : آجي انتي من قبيلة و كتقولي ليا خالتي ؟! مكاين باس ؟! 
أنا : حيث تعلمت نحتارم اللي كبر مني و نقدرهم بكلمت خالتي و لا عمي .. 
هي : أ ويلي على خالتك سكتي سكتي راني عندي غ ربعين عام علاه انتي شحال عندك ؟! 
و أما متأكدة نقسات منها القليلة شي خمس سنين .. 
أنا : عندي سطاسر عام ؛ و انتي چاع كبر من ماما ب ربع سنين .. مازال شنو بغيتيني نقوليك أ خالتي ؟! 
ضربت الطم و كلشي زمط الضحكة حتى من العروسة 😁😁 
واحد شوية قالت ليا : يا ختي باينة عليك كثر !! متكونيش نقستي شي بركة؟! 
وللمرة العاشرة كتقوليا ختي ؟! وأنا كنچمچم في خاطري : يخوي ليك جناب و يسوس ليك الضلوع ..ان شاء الله 😤😤😤
تلفتات فيا مرت خالي و هي كتزاوچني بعينيها نسكت حيث عارفة معنديش علاش نحشم .. 
أنا : لا ، الى مالفة ليك انتي معرفت ؛ المهم غير شاوري ، العقد زدياد ديالي لقيتيني عاد جبتو من المقاطعة ! راه غير فوق االتلفازة لهيه 😬 
قلبات الهضرة و قالت: حچى عرضتو على فلانة ؟؟ و دخلات في أمور العرس وبقات جارة الهضرة حتى فهمتنا شنو مطيبين واش من نوع حلاوي دايرين و الاوركسترا اللي جايبين و حتى من القاعة فين و هاد شي غا بالفن .. 
ها هي العروسة كملات ؛ عندها الزهر طاحت في مرت خالي محترفة قاداتها و رجعاتها تضوي .. غير شافت راسها و سمعاتهم بداو يصليو على نبي .. نفخات صدرها و شقلبات عينيها و رمشات بشفار اللي غير ملصقين و قالت لمرت خالي الله يعطيك الصحة .. أ ختي !! 
الحرتوكيةدازت خلصات مرت خالي و الجيش دورو العروسة ، اللي سبحان الخالق ، بدلات مشيتها ولات تمايل فحال شي بطريق ؛ دلالة على التقالة و رزانة زعمة ؟! مك يا مك .. وخرجوها بزغاريت حتى ركبوها في الطوموبيل طوط طوط زطوروطوط ومشاو .. وبقيت متبعاهم بعينيا من زجاجة ديال الثالون اللي مكتبينش من برا حتى غبرو .. 
وغير تلفت لقيت مرت خالي كتخنزر فيا .. ضربتها بتكرييطة من عندها للدار ما وقفت حتى سديت عليا في بيتي .. .. أوووف !! أييه هانا سلكت منها ، دبا شكون غاذي يصايب ليا شعكاكتي هاذ شهر كامل ؟!! عمرها مازال تخليني نعتب صالونها

سارا جاد

غاذة نتزوج وربي كبير 😤

غاذة ‫نتزوج وربي كبير

فييييين ما ندور ؛ هاذي تخطبت هاذي تزوجات هاذي عرسها في الصيف هاذي شهرها د الكوفيتير في ربيع ؟! أييييه فهمنا هادي .. و أنا ما محلي من الإعراب ؟! نبقى غا تابعة و نشري الكادويات نعاون في دهازات و نزرر؟!؟ ! فلوسي كلهم مشاو غير في كريان تكاشط و البروشينچات عند الكوافورات 😤 
لا و اللي تصاحبت مع شي موتشو تجي تبخر ليا مخي ؛ "خاااااطيبي" كموت عليا ، وداير كيف الخاتم في صبعي وغاذي يدير ليا الدار في سميتي .. وماشي فحال راجل فلانة و فرتلانة .. ميهزش عينيه في البنات 🙈 أبداا
😳😳😳 هااااااذاك ؟! وايلي أختيييييييي يالاه ضربها ليا بغمزة ؟؟! 😈😈😈 
مشيت و خليتهم مشادين هو كدافع على راسو من الكول باطو وهي محاتيا عليه من الكول ڤي 💃🏻
هايا دار رابت عليك قبل تكتب في سميتك .. بردتي ؟! يالاه بيري يا بنت المغوبش💃🏻

واللي تزوجات اليوم تولد غدليه ديال تسعشهورية ؟! 
هذاك شي عندهم بحساب الخوشيبات ؟؟! 😲 
آيييييه ضمانت الحريميات .. هاذاك الولد هو لوردونونص ديال دواه .. وماتجي فين ترضعو سيمانة حتى تپروچرامي للثاني .. غرقي باباه يستاهل 🤐 ولد الكامبو لاخور👊🏻

وأنا نبقى غا نتفرج و ساكتة ؟! لاواه بزاف .. 
هاذ الشهر نتزوج .. ويلا مدرتهاش ها وجهي و ها چفايا معاه بونيص 🙄 
و بديت نفكر .. نفكر .. نفكر .. ننننن لا صافي فكرت و جمعت و طويت .. 
الساعة الاولى اللي حل فيها السيبير وقفت عليه ..!!

كتب يا ما تكتب ; 
كارامايل.كوم -->روم الزواج !

شابة ثلاثينية واخذة حقي من الزين و ما واخذاهش من الورث 😪 حيث خالي و مراتو واكلين ليا حقي في الدار بماعنها و الفيرمة ببچرها و الچاراجات ب كلامونيطاتهم و حتى الچريمات ومازوطهم .. 
إلى راك سيد رجال ، طويل و واقف مچاد(صبرت حتى صبرت وناخذو مايل؟) وقادر توقف معايا وقفت ليهود
قاري و فاهم ومستاعد تطلع و تهبط على حقي اللي مسجل ومچاليزي في الوراق و متورخ عند ماليه و عندك مع الحساب مزيان ؛ تقدر توقف على الكرايا و خلصت الچريمات وتهلا في هاذ ليتيمة على سنة الله و رسوله .. قول لميمتك ورا العاصر تعيط في هاذ النمرة لمرت خالي و تفاهم هي وياها .. ووياك تقول ليهم راكم على بال .. لا يخافو وميزوجونيش ! مسيتك بخير أ زوجي العزيز .. تهلا ليا فراسك و متديرش ف بالك !

ما جيت فين نوصل للدار ؛ حتى لقيت مرت خالي ولات سطونداريست .. عارفاهم مايجيوش بيدهم خاويين .. الحلوفة ديكالاتهم بساعة 🤓 
مرت خالي : آجي انتي لهنا ؟! شنو قضيت هاذ العرام اللي باغين يخطبوك ؟! 
أنا : باغية تفكي مني ؟! 
مرت خالي : مكرهتش .. 
أنا : إيوا متسوليش و تشرطي مزيان و قوي في دهاز و العرس في القاعة و النچافة زهور اللي نچفت العرجة و اوركسترا المراكشي اللي جابت بنت الحولة لعرسها .. مقبلوش دردبيه مع دروج ! واللي معجبنيش و بان ليا ما يطلعش في الكادر ديال تصويرة عرسنا راني نغمز ليك ؛ حطي لميمتو قوالبها في يديها و زيديها ربطة د نعناع على حسابي .. خليها تعمر ليها و لولدها تاي و يچادو مجاجهم
نخليك دبا غاذي نمشي نوجد راسي باش نبرز ! 
اللول : اممممم لونو باهت ✋🏻
الثاني : كيچمز بزاف ✋🏻
الثالث : قصير ومبودز ✋🏻
الرابع : مخدامش مزيان ✋🏻
الخامس : ويلي ويلي .. زين و طولة و تجريدة ؛ مواتيني و هو بارك، يعلم الله ل وقف ..😍 
تشاوفنا .. لبست أحلى ما عندي في لباسي .. وهو جاي عليه الكلاص ؛ كون شافتو چوادالوپي كون سمحت في ألفريدو 💃🏻💃🏻 
مونعيم: واااه شحال زوينة و شحال عجبتيني ثقيلة و رزينة .. ممثيقش راكي غاذي تولي حلالي .. 
أنا : يااااه ؛ دخلتي ليا لخاطري وغير شفتك عرفتك ولد ناس .. حتى أنا ممثيقاش! 
مونعييم : ربي يخلينا لبعضياتنا .. فين بغيتي نمشيو ورا العرس؟! 
أنا : للشمال ؛ وغير ناخذو رزقنا وقتها منخليو حتى بلاد! 
مونعيم : هضرتك معقولة ..مقلتيش ليا شمن ديپلوم عندك ؟! 
أنا : خرجت من السانكيام ؛ نهار ماتو ليا والديا .. الله يرحمهم ، ومن تماك مبقيتش باغية نقرا .. وراك عارف خالي شوية سقيريم ؛ ضطريت نخدم في لوزين سبابط باش نتهلا فراسي ؛ هذاك شي علاش بغيت واخد قاري 
مونعيم : أنا خدام في واحد الشركة ديال نقل راك عارفة وايني عندي ديپلوم تجارة ! ملقيتش خدمة بيه 
أنا : باذن الله غذا تحل الشركة ديالك ؛ غير نولد و نباليو بخالي .. 
مونعيم : تولدي؟! 😳 وعلاش نتسناو؟! 
أنا : خالي ملي يشوفني ولدت و درت داري بصح يآمن فيك و يعرفك راجلي ديال بصح ويخافك ؛ راك غادي تولي قدامو رااااجل و نص ؛ أما لكنتي معندكش الوتد ، هذاك جروندي يرسل لحبيبي رباعت شلاهبية يصفيوها ليك ! 😪اللي نطولوه نقصروه و قتها ندخلو عليه بولدنا و نتكاوحز أنا ونخلي راااااجلي همة وشاااني يبالي بيهم ؛ انت طبعا! 
مونعيم :آه ؛ وايني في هاذ الوقت راك غاذي تزيري معايا شوية .. رزقي كلو غا يمشي في العرس حتى يفكها ربي ! 
أنا : متخافش ؛ نبقى خدامة حتى انا بتخبية حتى يفك ربي وحايلي ؟! و حتى صداق مبغيتوش ؛ كتب ليا مية مليون في المؤخر .. صافي ؛آش قلتي؟!! 😉 
مونعيم : مية مليون لاش ؟!! 😳😳 
أنا : باش خالي ميشكش انت راك قد الحال و تقدر تدور عليه .. ويوافقنا بسهولة نتزوجو باسرع وقت ! 
وحتى انت غير بيناتنا راها غير ورقة ؛ ياك ما ناوي نشدو الفلوس وتطلقني ؟!! 😪😪😪 
مونعيييم : لا الحبيبة ديالي ؛ و أنا موافق معاك أ نور عينيا غير بقاي على خاطرك 
😍😍😍 صلااا وسلااااام روروروروورراي 
داتو و داتو واللاهيما خلاتو .. داها وداها .. والبلا جاي موراها 👰🏻👦🏻 (العام الاول عسل و الثاني يبدى نحل ؛ أصلا چاع لمزوجين انا وفرت عليه بعدة و درت ليه علاش)😬 
و شكون كتلوح عليا في الورد ؟! البايرة بنت فطايمة الهبيلة .. الله يكثر خيرها ؛ اللفعات اللي كانو يعايروني ؛برجالاتهم و لاو بايرات وهوما حداهم ؛ عرسي حتى وحدة من بنت المدينة مدارت بحالو .. وموتو بالسم دبا !

ونخليكم دبا نمشي نشرب دوايا قبل ما يوذن الفجر 😉

دوزو بخير 

نصائح ساروشكا

نصائح ساروشكا

ملي تديري دعاء تيسير الزواج .. طلبيها كبيرة ؛ يا ربي جوجني بشي پيلوط ديما في سما طاير و الصالير ديما في جيبي داير

باش حتى لكانت الپروموسيو في تحقيق الأمنيات تفوزي بشي حاجة تواتيك ..

ماشي تچولي :ع الله يجي يخطبني غ مول الببوش وملي ربي يسيفطو ليك كبيع النعناع جي هرنطي علينا و ديري منشور و هرسي لينا راسنا و نوحي و سدي لينا الشهية و تقولي :

شابة و أبلغ ستة و عشرين من العمر 
و جمالي عرضه يبلغ نصف طول البحر 
نحيفة طويلة رقيقة حنونة ولكن والو زهر 
نظل على الخبز حرفي ظهر عشا و فجر 
أليس من حقي ان أدلل و اهجر بيت القهر؟

😆😆😆😆 
مع احتراماتي -->لمول الببوش اللي كنت نظل نغمز فيه باش يقوي البلول و مول نعناع اللي بضحكة كان كعطيه ليا فابور 😂